Научниците испитуваат дали крвната група има некакво влијание врз тоа дали и како можеме да се заразиме со Корона
На пример, едно истражување покажа дека луѓето со група 0 имаат дванаесет проценти помал ризик од заболување
Една нова канадска студија, објавена во „Annals of Internal Medicine“, покажа дека крвната група на една личност може малку да го намали ризикот од заразување со нов коронавирус, пишува CTV News.
Научниците од Институтот за науки за клиничка евалуација во Торонто проучувале над 200.000 луѓе чија крвна група била испитана и тестирана од јануари 2007 година до декември 2019 година.
Целта на студијата беше да се утврди дали крвните групи ABOи Rh факторот можат да бидат поврзани со ризик од фаќање инфекција со SARS-CoV-2 и развој на потешка форма на болест Ковид-19.
КРВНА ГРУПА 0 МОЖЕ ДА ЗНАЧИ ПОМАЛ РИЗИК?
Според студијата, кај 1328 лица е дијагностицирана тешка болест или смрт како резултат на Ковид-19, со поголема веројатност за ваков исход кај крвните групи АВ и В и кај Rh-позитивните лица. Крвната група 0 може да значи помал ризик од инфекција со Ковид-19 и развој на тешка болест.
Истражувањата покажаа дека луѓето со крвна група 0 имаат дванаесет проценти помал ризик од развој на болеста отколку другите крвни групи. Исто така, оние со резус-фактор негативен, во просек, имаат 21 процент помали шанси да се заразат. „Иако видовме статистички значајна поврзаност помеѓу крвната група и сериозноста на болеста или смртта, се претпоставуваше дека правилно ја идентификувавме тешката болест поврзана со Ковид-19“, се вели во студијата.
„На пример, нашиот комплексен исход не вклучи венски тромбоемболизам, што е добро опишана компликација на Ковид-19. Интересно е и тоа што фенотипот и генотипот на крвната група 0 се поврзани со намален ризик од венски тромбоемболизам, веројатно затоа што оние со крвна група 0 имаат пониски нивоа на плазма. ”
ПОТРЕБНИ СЕ ПОВЕЌЕ ИСТРАЖУВАЊА
Научниците се прашуваат дали ќе се забележат слични разлики во крвната група за време на тековните клинички испитувања кои ја проучуваат терапевтската ефикасност на имунотерапија или вакцинација против SARS-CoV-2.
„Мал дел од SARS-CoV-2 инфекции или сродни болести може да се спречат со некое непризнаено својство на крвна група 0, можеби дополнително засилено со Rh-негативен статус“, се вели во студијата. Дали овие информации ќе влијаат на стратегиите за превенција или третман на Ковид-19, останува да видиме.