Научниците велат: Протеините од зеленчукот се поздрави од оние во месото

Соодносот, влијанието и квалитетот на протеините кои ги конзумираме од растенијата може да се разликува од протеините кои ги јадеме внесувајќи месо, а научниците точно дефинираа во што е разликата.

Дали е подобро да се јадат протеините од бифтекот или оние од сејтанот, се прашува Men’s Health.

Се испостави дека сејтанот кој е замена за месо и се произведува од глутен, имал три пати повеќе протеини од бифтекот и 10% повеќе масти. Во 100 грама, сејтанот содржи 28% железо во однос на 13%, колку што го има во бифтекот. Исто, има нешто повеќе магнезиум, но нималку витамин Б12 кој природно го има во месото.

Велеа дека замената на месото со сејтан може да додаде 4 години од животот во споредба со луѓето кои секојдневно конзумираат црвено месо и имаат 12% поголем ризик од прерана смрт. Заклучија дека бифтекот е сепак поздрава опција. И покрај показателите дека сејтанот е нутритивно подобра намирница од месото, тврдеа дека бифтекот е подобар.

Но сега се покажа дека билните протеини се сепак подобри од оние месните. Грчките научници ги проучуваа прехрамбените навики на 3349 жени и мажи постари од 50 години. Утврдија дека исхраната која се темели на поголем внес растителни намирници е потенцијално поздрава и допринесува за долговечноста.

Дополнително, студијата која е спроведена во САД на 6381 луѓе го проучувала влијанието на внесот на протеини врз долговечноста. Оние кои јаделе храна богата со протеини имале смртност поголема за 75% и четирипати поголем ризик од карцином во период од 18 години, но тоа се однесува само на испитаниците кои протеините ги добивале од месото. Билните протеини имале спротивно влијание и со нив била поврзана помала смртност.

Јапонските научници пак лани спровеле студија на 70.696 луѓе и откриле дека внесот на билни протеини е поврзан со пониската смртност односно помал ризик од болести на срцето и крвните садови.

Извори на билни протеини

Со добро планирање, со билната прехрана е можно е да се задоволат дневните потреби за протеини. Тоа бара малку креативност. Начинот на кој ќе го постигнете тоа е едноставно да јадете храна богата со протеини, а ако веќе вежбате, во прехраната вклучете и суплементи кои содржат висок процент протеини.

Сите јатки се одличен извор бидејќи содржат 3,4 грама по лажица, додека половина шолја леќа содржи 12 грама протеин. Гравот содржи околу 4 грама протеини на 100 грама, а нема заситени масни киселини. Во исхраната можете да додадете тофу кое го содржи сите 9 есенцијални аминокиселини, а исто така и железо, калциум, манган и фосфор. Замените за месо се прават од протеинот соја и содржат 17 грама протеин во 100 грама производ, значи само 82 калории. Сејтанот исто така е богат со протеини и заситени масти.320