Не го испивте целото вино одеднаш? Како да го продолжите векот на отворено вино

23 декември, 2020
dreamstime_l_26124639

Има моменти кога ќе сакате да испиете само чаша или две вино, а потоа што со отвореното шише. Немојте веднаш да го истурате вишокот во мијалникот, постојат начини на кои можете да го задржите отворено вино „свежо“ некое време

Како прво, треба да знаеме зошто виното се расипува воопшто. Сè се сведува на нивото на кислород што доаѓа во контакт со самото вино, вели Кристофер Хоел, сомелиер и врвен експерт за вино.

Виното бара деликатна рамнотежа на изложеност на кислород. Кислородот е клучен во процесот на ферментација и може да ги подобри вкусовите и аромите на вино што еднаш се отвориле, но премногу изложеност ќе го претвори виното во оцет, пишува Realsimple.

„Затоа, скоро секој совет што го наоѓате за зачувување на вино се заснова на намалување на изложеноста на вино на кислород“, додаде Хоел.

Како да се продолжи векот на отворено вино

1. Затворете го шишето веднаш по употребата

Првата одбранбена линија на виното е исто така наједноставна. Обавезно затворете го виното веднаш откако ќе наточите дел. Можеби мислите дека е во ред да го држите виното отворено додека пиете една чаша, но колку повеќе го ограничувате пристапот на кислород до виното, толку подолго ќе остане добро.

2. Чувајте го виното исправено

Ако го чувате виното во исправена положба, ја намалувате областа што може да дојде во контакт со кислород и со тоа го забавувате процесот на оксидација.

3. Набавете си помали шишиња

Ако не можете да го испиете целото вино до крај, можете да го претурите во помало шише и со тоа да ја намалите количината на кислород складирана со вашето вино.

4. Чувајте го виното на ладно и темно место

Кислородот не е единствениот непријател на виното, тоа се оштетува и од светлината и високите температури.

– Обидете се да го чувате отвореното шише на темно и ладно место. Фрижидерот е обично добро место и виното може да остане добро во него долго време. Го забавува и процесот на оксидација бидејќи молекулите се движат многу бавно на студ – рече Хоел, додавајќи дека ова важи само за отворени шишиња, а затворените не е добро да се чуваат во фрижидер.

5. Инвестирајте во систем за зачувување на вино

Постојат два вообичаени системи, вакумска пумпа, која го отстранува вишокот воздух од отворено шише за да можете да додадете неколку дена живот на вашето отворено вино, а малку посериозен метод е оној со гасови, азот и аргон.

Методот на гас работи со прскање малку гас во отворено шише, кое потоа ќе го компресира кислородот и ќе го задржи виното свеж подолго.