Новите истражувања шокираа: Каде правиме грешка кога користиме заштитна маска за еднократна употреба?

17 декември, 2020
profimedia-0507898153

Ново истражување покажа што точно се случува кога користиме еднократна заштитна маска повеќе од еднаш.

Здружени научници од Универзитетот Лоуел во Масачусетс тврдат дека резултатите од нивното истражување покажале дека повторната употреба на заштитна маска за еднократна употреба е поубиствена од не носењето маска.
За нивното истражување користеле трислојни хируршки маски, најчестиот вид на маски за еднократна употреба. Кога се користат правилно, т.е. еднаш, тие можат да филтрираат дури три четвртини од честичките што обично се наоѓаат во воздухот и кои главно се одговорни за инфекцијата.

Меѓутоа, ако овие маски се користат повеќе од еднаш, тие можат да филтрираат само една четвртина од капките. Тоа е затоа што маските се деформираат секој пат кога се носат, велат експертите.

  • „Повеќето луѓе мислат дека една маска е подобра од ниту една, сепак, тоа не е точно“ – вели коавторот на студијата, д-р Џиншанг Ши, професор на Универзитетот Лоуел.

Тој додава дека маската за еднократна употреба, доколку се користи повеќе од еднаш, може да филтрира честички поголеми од пет микрометри, но ништо помалку од тоа.
Ова истражување е објавено во медицинското списание „Physics of Fluids“, а научниците се занимаваа и со прашањето за движењето на аеросолот. Имено, научниците следеле точно каде паѓаат аеросолите врз маската и како и дали воопшто преку неа влегуваат во носот и белите дробови.

Се покажа дека кога луѓето имаат маски на лицето, тоа го менува начинот на движење на воздухот околу нивното лице, така што воздухот не влегува директно во носот или устата, туку поминува низ површината на целата маска со мала брзина. Кога маските за еднократна употреба се нови, тие филтрираат околу 65 проценти од честичките. Меѓутоа, ако се носат повторно, тие можат да филтрираат само 25 проценти. Затоа, заклучокот на научниците е дека хируршките маски за еднократна употреба нудат многу добра заштита – но, само доколку се користат правилно, односно еднаш.