Ново истражување донесе добра вест за оние кои се изборија со Ковид-19: „трајното оштетување“ сепак може да се намали со текот на времето, велат австриските лекари

Како што експертите повеќе пати предупредуваа, Ковид-19 може да остави трајни последици врз организмот, првенствено оштетување на здравјето на белите дробови и срцето. Но, постои надеж дека пациентите сè уште можат да се опорават со текот на времето, покажуваат неодамнешните истражувања и пулмоналната рехабилитација може да игра значајна улога во тоа, пренесува CNN

Две студии што ќе бидат презентирани во понеделник на Европскиот конгрес на Европското респираторно друштво покажуваат колку може да биде силен коронавирусот кога станува збор за трајно оштетување на белите дробови, а во некои случаи, предупредуваат лекарите, остануваат трајни ефекти врз психата на пациентите.

“Лошата вест е дека луѓето покажуваат оштетување на белите дробови од Ковид-19 недели откако се отпуштени од болница; добрата вест е што се чини дека овие оштетувања сè уште можат да се санираат со текот на времето, што укажува на тоа дека белите дробови имаат механизам што им овозможува да го сторат тоа”, рече д-р Сабина Саханиќ, лекар на Универзитетската клиника во Инсбрук, Австрија, која учествувала во оваа најнова студија.

Нивните заклучоци се прелиминарни, но тие фрлаат ново светло врз доживотните последици од болеста Ковид-19, за кои често се пишуваше досега.

Оваа студија опфати 86 пациенти со тежок Covid-19, претежно оние заразени во едно од „жариштата“ на ширењето на инфекцијата, регионот Тирол во Австрија. Тие го проучувале нивното закрепнување помеѓу април и јуни – пациентите биле прегледани шест недели откако биле отпуштени од болницата, а потоа повторно по 12 недели, објасни Саханиќ во едно интервју најавувајќи презентација на резултатите.

„Трајни симптоми“

По шест недели, беше објавено дека дури 65,9% од пациентите имале постојани симптоми на Ковид-19 како што се отежнато дишење и сува кашлица.

„По шест недели, половина од нашите испитаници сепак покажаа симптом на отежнато дишење, што само малку се подобрија до следниот преглед. Но, кога станува збор за оштетување видливо на КТ, бројот се намали од 88% на 56% до втората посета.” – рече Саханиќ.

Таа додаде дека преживеаните пациенти кои страдаат од тежок Ковид-19 покажуваат оштетување на белите дробови, кое, сепак, се подобрува со текот на времето – потребни се дополнителни детални истражувања на оние кои ја преживеале болеста.

Прелиминарните резултати ќе бидат презентирани, но тие се карактеризираат со ограничувања, предупредуваат експертите. Примерокот на испитаници е многу ограничен, а исто така и луѓето со историја на пушење. Потребна е поголема група на пациенти од различни возрасни групи и афинитети.