Ново откритие за коронавирусот: ова ќе ги интересира сите мајки кои дојат или планираат да дојат!

30 септември, 2020
shutterstock_233831794-640x376

Новото истражување сега дефинитивно го потврди претпоставеното, а тоа е дека коронавирусот не се пренесува од мајчиното млеко на заразената мајка на бебето. Но, тоа сè уште не значи дека мајката позитивна Ковид не може да го зарази детето

Мајчиното млеко е безбедно дури и ако мајката е заразена со коронавирус, бидејќи овој вирус не се пренесува на новороденчето преку доење, се резултатите од истражувањето спроведено од експерти од Одделот за неонатологија на Универзитетот во Торино, објавено оваа недела во списанието „Frontiers in Pediatrics“.

ЅARS-CoV-2 (вирусот што предизвикува КОВИД-19 болест) се шири за време на близок контакт, кога заразено лице кашла, кива или зборува. Досега, инфективниот вирус САРС-КоВ-2 не е пронајден во мајчиното млеко, а се покажа дека доењето е безбедно дури и кога мајката има други вирусни заболувања, како што е грипот. Но, фактот дека вирусот не се наоѓа во мајчиното млеко не значи дека бебето не може да биде заразено од мајката позитивна Ковид, не поради доење, туку поради вообичаениот начин на пренесување на оваа вирусна болест. Затоа, доење да, но со претпазливост.

Ако сте заразени и сакате да бидете во иста просторија со вашето дете и не сакате да се разделите, обидете се да одржувате разумно растојание секогаш кога е можно. Носете маска и мијте ги рацете секогаш кога директно се грижите за вашето бебе. Продолжете да ги преземате овие мерки на претпазливост се додека немате треска 24 часа и да поминат најмалку 10 дена од почетокот на симптомите на болеста Ковид-19.

Мијте ги рацете често со вода и сапун најмалку 20 секунди. Ако сапунот и водата не се достапни, користете средство за дезинфекција на рацете. Побарајте таков што содржи најмалку 60% алкохол. Избегнувајте да го допирате лицето, очите, носот или устата. Исто така, задолжително чистете ги површините што вашето дете може да ги допре.

Исто така, бидете внимателни кога кашлате или кивате; секогаш правете го ова во лактот или марамче. Фрлете ги користените марамчиња веднаш и измијте ги рацете.