Ова е најголемиот виновник за скокот на бројот на луѓе кои страдаат од коронавирус?!

17 октомври, 2020
корона

Јапонскиот суперкомпјутер покажа што има најголемо влијание врз ширењето на честичките на вирусот, а токму тоа е она на што сме најмногу изложени во текот на грејната сезона.

Имено, клучот е влажноста на воздухот, со најголем ризик да биде сувиот, затворен простор во зимските месеци.

Опасна влажност под 30 проценти

Научниците го користеа суперкомпјутерот Фугаку за да направат модели на ширење и пат на честички слични на вируси од заразени луѓе во различни услови.

Влажноста под 30% резултираше со двојно поголема количина на честички во воздухот наспроти количината во просторијата со влажност од 60% и повеќе. Студијата исто така покажа дека визирите не се толку ефикасни како маските за спречување на ширење на вирусот со аеросол.

Вирусот може да остане во воздухот со часови

Се поголем број експерти со сигурност тврдат дека вирусот корона може да се шири низ воздухот. Центрите за контрола и превенција на болести ги ревидираа упатствата овој месец, посочувајќи дека патогените микроорганизми можат да останат во воздухот со часови, пишува Ројтерс.

Суперкомпјутерот Фугаку претходно се користеше за откривање детали за ширењето на инфекцијата во возовите, канцелариите и училишните училници. Во тоа време се покажа дека отворените прозорци во јавниот превоз ја зголемуваат вентилацијата два до три пати, што значително ја намалува концентрацијата на штетни микроби.