Овие три работи откриваат дали вашето работно место е соодветно и добро за вас

28 април, 2020
работа

Без разлика дали штотоку ја започнувате вашата кариера или веќе сте долгогодишен работник, понекогаш треба да застанете и да се запрашате дали навистина сте на вистинското место. Ако не сте задоволни од вашата моментална работа и единствената работа што ве задржува е платата, време е да се запрашате дали можеби е време за нова работа.

Еве неколку работи што треба да ги разгледате пред да донесете одлука.

Раководство со компанијата во која сте

Да се има менаџмент што ги охрабрува своите вработени да се развиваат и напредуваат е клучен момент за благосостојбата на работното место и задоволството на работниците. Ако во никој случај не сте задоволни од вашите претпоставени и сметате дека тие не ја ценат вашата работа или оставаат простор за напредок, време е да ги преиспитате вашите сопствени вредности и да размислите да го ажурирате вашето CV.

Самата организација во која работите

Ако вашите вредности и ставови не одговараат на оние на компанијата за која работите, ова е голем и длабок проблем што од ден на ден создава голем стрес и фрустрација кај вас. Да се работи во корист на она што го сакате и поддржувате е ослободувачко чувство од кое не треба да се одречете.

Работата што ја извршувате

Не сте заинтересирани за вашата работа и тотално ви е здодевна и незначителна? Време е да размислите не само за промена на работното место, туку и за промена на професијата. Секогаш можете да се обратите до службите за стручни советувања за да ве водат кон патека што може да ви биде посоодветна и која ќе ве исполнува.