По кето диетата, пристигнува нов план на исхрана – вето диета! За што се работи?
Доколку сте заинтересирани и внимавате на вашата исхрана, големи се шансите дека веќе сте запознаени со кето диетата. Всушност, според новата студија, која ги анализирала хранливите термини што луѓето најмногу ги бараат на Google, најпопуларниот план за велнес е кето диетата – со 623.050 пребарувања. Иако е најинтригантна, за жал не е најлесно да се разбере. Во суштина, тоа вклучува намалување на јаглехидратите, кои ги заменувате со животински масти.
Идејата зад ова е дека недостаток на јаглехидрати го доведува телото во метаболичка состојба на кетоза, каде станува неверојатно ефикасно во користењето на мастите за енергија. Застапниците веруваат дека кога телото ќе достигне таква состојба, мастите исто така се претвораат во кетони во црниот дроб кои го снабдуваат мозокот со енергија.
Според експертите, здравата кетогена диета треба да се состои од околу 75% маснотии, 20% протеини и само 5% или помалку од 50 грама јаглени хидрати на ден. Во прилог на оваа стандардна кето диета, постојат варијации, на пример, кето диети со висока содржина на протеини, чиишто стапки се малку различни: 60% маснотии, 35% протеини и 5% јаглехидрати. Ако сте ја пробале – како Кортни Кардашијан – и ви се допаѓа, има нова варијанта дизајнирана со вегетаријанци и поборници за одржливост: вето диета.
Вето диетата се заснова на комбинација од кето и вегетаријанска храна. Наједноставната дефиниција за вето диета е следнава: диета богата со маснотии и многу малку јаглени хидрати, но за разлика од вообичаената кето диета која се потпира првенствено на животински масти, за вето диетата се менува. Таа се потпира на растителни протеини, кои се нејзиниот главен елемент. Единствените протеини од животинско потекло што се користат се од јајца и млечни производи (месо од било кој вид не е вклучено во оваа диета).