Потврдено: Овие шест дена се најкритични за ширење на инфекцијата

Луѓето кои не покажуваат симптоми на ковид 19, но имаат вирус, предизвикуваат најголем дел од ширењето, според американските експерти од Центрите за контрола на болести (ЦДЦ).

Во повеќето случаи на ковид 19, првите шест дена по почетокот на инфекцијата, луѓето не покажуваат симптоми како што се кашлица, треска и отежнато дишење. За тоа време, луѓето се многу заразни и обично не се свесни дека имаат вирус, што доведува до несакано ширење. Луѓето исто така можат да бидат асимптоматски и да имаат вирус, но тие никогаш не покажуваат симптоми.

Тие немаат никакви симптоми и го сеат вирусот
Научниците веруваат дека инфекцијата се шири од луѓе без симптоми, што според нивните проценки се јавува во повеќе од 50 проценти од случаите. Ова значи дека барем половина од новите инфекции доаѓаат од луѓе кои веројатно не се свесни дека се заразни за другите.

Овој период кога луѓето не покажуваат симптоми, но се заразни, е причината зошто маските се исклучително важно средство за забавување на ширењето на ковид 19.

Ефективни маски
Хируршките и крпчените маски не само што ефикасно ги блокираат повеќето големи капки, туку исто така можат да го блокираат издишувањето на фините капки и честички (често наречени аеросоли) помали од 10 микрони.

Експериментите покажаа дека маските се 80 проценти ефикасни во блокирање на пенетрација на вирусот, велат американски експерти, додавајќи дека маските кои што се помучни се скоро подеднакво ефикасни како и хируршките.