Сити и слаби: Диета која топи килограми без глад!!!

Доколку ги внесете овие намирници во вашата исхрана, „ризикувате“ да изгубите многу тежина, но и да се ослободите од замор, депресија и проблеми со шеќер и холестерол.

Волуметрикс диетата е креирана од нутриционистката Барбара Ролс, која се залага за едноставен начин за контрола на телесната тежина без гладување. Секако, нејзината програма вклучува редовно вежбање (но не грижете се, нема претерувања) – така што сето ова заедно дава одлични резултати и во однос на здравјето и фитнесот, а вагите „знаат“ да покажат убава загуба за кратко време: поточно до 2 кг помалку за 7 дена без глад, пишува порталот dijeta.net.

Основни принципи на Волуметрикс диетата

Идејата за оваа диета потекнува од фактот дека различна храна – различно ги задоволува нашите потреби за храна, но исто така дава и поинакво чувство на „исполнетост“ на желудникот, т.е. ситост. Така, различна храна со различни енергетски вредности може да направи да се чувствуваме сити или да не останеме гладни. Па, ако јадеме храна богата со вода и диетални влакна (тие самите имаат ниска калориска вредност), ќе се чувствуваме сити и исполнети (и навистина ќе биде).

Така, диетата Волуметрикс се потпира на енергетската вредност на храната и содржината на вода. Ако ги внесете овие намирници во вашата исхрана, „ризикувате“ да изгубите многу тежина, но и да се ослободите од замор, депресија и проблеми со шеќер и холестерол. Добрата вест е дека оваа храна може да се јаде во неограничени количини во текот на целиот ден.

Препорачана храна:

Овошје

Зеленчук

Нискомасни млечни производи

Интегрални житарици

Грав

Посно месо

Друга поделба може подобро да го расветли изборот на храна на оваа диета:

Прва категорија:

Немасно млеко и нискомасни млечни производи

Овошје со висок процент на вода

Зеленчук со мала количина јаглени хидрати и висок процент на вода

Супа од зеленчук

Втора категорија:

Останато овошје

Зеленчук

Месо со помалку маснотии (риба, пилешко)

Овесни снегулки

Тестенини од интегрални житарици

Трета категорија:

Месо

Старо и масно сирење

Јаткасти плодови и суво овошје

Храна како што е: пица, помфрит и домашно нискокалорични колачи

Четврта категорија:

Крекери и слични индустриски грицки, од типот: чипс, переци и сл.

Чоколадни колачи, слатки со многу маснотии и сл.

Путер, масло- генерално маснотии

Алкохолни пијалоци, газирани пијалоци и купечки сокови

Значи, ако јадете храна од прва категорија секој ден, храна од втора секој втор ден и храна од трета категорија еднаш во пет дена – вие сте на одличен пат да изгубите тежина и да го подобрите вашето здравје. Сигурно се прашувате што е со четвртата категорија? Па, најдобро е да ја заборавите – овие намирници едноставно не постојат за вас.

Препорачани се три главни оброци и закуски, иако може да грицкате овошје во текот на денот или да јадете нешто друго од Првата категорија храна.

Д-р Роулс верува дека трикот за здраво слабеење е да користите нискокалорична храна. Затоа, оваа диета ќе го намали внесот на калории, и ќе го поттикне слабеењето.

Предности на Волуметрикс диетата

Волуметрикс е добро истражуван и здрав пристап кон слабеење. Акцентот е ставен на урамнотежената исхрана со многу овошје, зеленчук, цели зрна и им овозможува на диетарите да се чувствуваат сити јадејќи помалку калории и да ослабат додека јадат задоволителни количини храна. Исхраната е флексибилна и лесна за модифицирање со различни состојки засновани на лични преференции (и можности). Програмата исто така го нагласува вежбањето како витална компонента на здраво слабеење. Препораките се 30 до 60 минути дневна физичка активност во текот на денот. Д-р Ролс сугерира запис за тоа што се јаде, како и дневник за физичка активност. Водењето дневник ќе им помогне на диететичарите да го следат нивниот напредок и да ги идентификуваат сите проблеми што можат да се појават на нивниот пат кон слабеење.

А Волуметрикс диетата не бара многу активност во кујната, бидејќи препорачаната храна не е комплицирана за подготовка и многу од нив се јадат сурови или со минимален термички третман.