Со правилна исхрана може да го спречите опаѓањето на косата

Опаѓањето на косата е многу чест проблем кај машката популација, но и жените исто така патат од овој проблем.

Правилната исхрана богата со витамини В, С и Е се смета за многу важна за здрава коса. Минералите како цинк, железо и магнезиум како и Омега 3 масните киселини ја помагаат ревитализацијата на косата.

Семињата од тиква се наоѓаат на врвот на листата за здрава храна богата со цинк. Бројните истражувања покажале дека недостатокот на овој минерал е поврзан со хипотирезата, со успорената работа на штитните жлезди и губитокот на косата. Поради тоа грицкајте семки од тиква ако сакате здрава коса која не паѓа.

Рибата е богата со здрави масни киселини Омега 3, како на пример лосос и туна, а тие го намалуваат и воспалението на организмот, а при тоа влијаат на квалитетот на косата и нејзиниот раст.

Зелен чај е моќен напиток кој помага за брзо и ефикасно исфрлање на токсините од организмот. Тој содржи антиоксиданти кои позитивно влијаат на косата. Секојдневно пијте барем по една чаша топол зелен чај.

Ленено семе, чија и коноп се вбројуваат во суперхраната богата со здрави масти кои се важни за нега на влакната.

Продуктите богати со витамин А и С помагаат за подобра апсорбција на железото, а влијаат и на подобро лачење на себумот – супстанца која ја произведуваат жлездите во кожата на главата. Себумот ја подмачкува косата и ја штити кожата.