Тренер и нутриционист открива како да ослабнете до Божиќ: Следете ги овие едноставни чекори и ќе изгубите барем 3 килограми!

8 декември, 2020
231865_shutterstock-1837165165_ls

Пандемијата предизвикана од Коронавирусот влијаеше и на линијата на телото кај повеќето луѓе, затоа што јадевме повеќе за време на карантинот, а таквата исхрана, комбинирана со недостаток на вежбање и движење, доведува до зголемување на телесната тежина.

Фитнес тренерот и нутриционист, Мет Линдеј, објаснува како треба и како не треба да се храните за време на пандемија и како да го изгубите вишокот килограми.

Започнете го денот со протеини и масти за добра енергија

“Одличен почеток на планот е појадок богат со протеини и здрави масти. Јадете јајца, сланина, авокадо, протеински палачинки, посно месо, риба, како на пример, лосос или скуша и природен јогурт од бадем. Ако не сте јаделе ништо од вечерата, вашите мускули ќе се разградат и ќе се користат како гориво. Ако имате дефицит на калории, не сакате да ги користите мускулите. Секој килограм мускул вреди 50 калории енергија на ден, а за да ја одржите таа мускулна маса, мора да јадете“, вели тренерот, додавајќи:

“Треба да ги одржувате нивоата на енергија, така што мастите ќе можат да ослободуваат инсулин стабилно и полека, откако ќе се разбудите. Многу научни студии покажуваат дека обилниот појадок со јаглени хидрати ја зголемува желбата за шеќери и јаглехидрати и во текот на денот. Колку е поголем врвот, толку е поголем падот „Затоа мора сè да биде на исто ниво“, заклучува тренерот.

Јадете јаглехидрати за ручек доколку вежбате

“Во најдобар случај, сакате да јадете јаглехидрати во текот на денот. Нашите тела имаат ограничено време кога можеме да ги користиме, а оптимално е за време на тренинзите, кога сме активни, или во средината на денот. Здравите извори на јаглехидрати за ручек вклучуваат кафеав ориз, сладок компир, тиквички или овес.” – објаснува Мeт.

Вечерата треба да биде полесен оброк.

“Не сакате да јадете оброк со многу маснотии или нешто што го вознемирува дигестивниот систем кога одите во кревет, затоа што таквата храна вашето тело мора да ја разгради, што ќе влијае на сонот и варењето на храната. Во зависност од вашиот животен стил, за некои, вечера богата со јаглени хидрати е помош за подобар сон”, вели Линдеј.

Движење и вежбање: Пребројте ги чекорите

“Јас работам со луѓе и кога ќе ги прашам колку се движат, во просек тоа е околу две до три илјади чекори на ден. Мислам дека ова се однесува на околу половина од населението. Ако направивте околу 1000 чекори, трошите околу 50 калории. Ако не се движите доволно, нема да изгубите тежина”, советува Мет.

Хидратација

Сите треба да пиеме два до три литри вода на ден, не само во корист на нашата кожа, туку и затоа што ни помага да ослабнеме.

“Постојат милион причини зошто телото функционира подобро кога сме хидрирани, но нашата плунка, е исто така, првата орална одбрана од инфекции, а тоа во моментов е важно за нашиот имунолошки систем да биде во форма”, вели Мет.

Одговорност

“Одговорноста може да придонесе за добар резултат. Тоа ви помага да инвестирате во планот за кондиција и исхрана. Испраќајте му на вашиот пријател информации за вашата тежина, фотографии или мерења секоја недела. Ако се здебелите, мора и тоа да го испратите”, објаснува Мет.


“Одговорноста е огромна, кога станува збор за промена на телесната тежина – можеби ќе сакате да застанете и да размислите пред да посегнете по слатките. Можно е, на пример, една жена од 75 кг во умерена физичка состојба да изгуби девет килограми за 12 недели. Треба да се фокусира на обука, вежбање, работа хидратацијата и здравјето на цревата. Ако јадете доволно големи количини на умерени калории, нема да ви треба нездрава храна”, вели обучувачот, објаснувајќи дека на овој начин го одржувате стабилниот шеќер во крвта, што ве прави помалку склони кон глад и конзумирање нездрава храна.

Совети како добро да се храните

Бидете организирани

Организирајте се како ќе јадете секој ден.

Однапред подготвената храна го олеснува донесувањето правилни и здрави одлуки. Ако јадете спонтано, многу е тешко и стресно да го следите внесувањето на калории, како и да одлучувате за храната кога сте гладни. Ова никогаш не е добра идеја, бидејќи веројатно ќе изберете нешто брзо и лесно, а не нешто што е во согласност со вашите цели.

Останете активни

Следете го дневниот број на чекори.

На секои 1.000 чекори согорувате околу 50 калории. Доволното вежбање е начин да изгубите тежина, дури и кога спортските сали се затворени.

Отфрлете го или сведете го алкохолот на минимум

Алкохолот ја отежнува диетата.

Проблемите со пиењето вклучуваат послаб квалитет на сон, послаба диета, зголемена анксиозност и зголемен глад. Ќе ви биде тешко да вежбате и да функционирате добро, ако сте мамурни.

Не е сè во совршенството

Диетата за време на карантин или неделната диета после тоа, е тешка и затоа не ви треба ставот „сè или ништо“.

Ако одлучите да ја промените вашата исхрана, клучно е да не паничите и да не се чувствувате виновни ако се откажете, туку следниот план да го планирате во согласност со здравите упатства. Затоа, ако сакате да видите резултати, немојте првата недела совршено да се придржувате до новиот план за исхрана, а веќе во следната да им се вратите на старите навики.