Ова е моменталната хит фризура за по дома!
Додека сонуваме за фризура или боја на косата кои ќе ги направиме кога оваа ситуација ќе остане зад нас, постои еден тренд кој е многу лесно да се следи, а за кој може и да не сте свесни дека го “фурате”. Станува збор за трендот наречен “разлетани врвови”, а всушност се работи за културен израз за израснатите слоеви. Бидејќи не сме во можност да користиме професионален третман за косата, таа се витка и станува бушава.
Баш како Џенифер Анистон
Додека се чини дека овој тренд настанал сега од чиста случајност, пред петнаесет години жените намерно барале вакви фризури во фризерските салони, фризура како да не си се трудела воопшто, а изгледаш сјајно. Предводник на оваа фризура била Џенифер Анистон.Овој тренд одговара на сите должини и типови на коса. Тоа што врвовите се подраснати, не мора да значи нужно лоша фризура. Напротив! Но, и овој тип на фризура бара нега, за да не се доведете во ситуација да изгледате премногу неуредно.
Интересно е што оваа фризура се нарекува и “анти- фризура”, бидејќи можете да ја имате веднаш по станувањето од кревет. Фризерите често се борат со разлетаната и нестилизирана коса, но по се изгледа дека светот навистина се менува бидејќи оваа фризура во моментов е промовирана токму од нив, како сјајно решение кое и овозможува обнова на косата.