Уште едно прашање кое го мачи Светот: Дали Ковид-19 може да се пренесе преку амбалажата на производите?

Траги од вирусот корона, наводно, биле пронајдени во Кина на пакувања од замрзнати ракчиња и пилешки крилца увезени од Јужна Америка.

Ова повторно го привлече вниманието на јавноста за прашањето дали вирусот корона се пренесува преку пакување на замрзната храна.

Кои се шансите да се заразат преку пакување храна?

Во теорија, корона вирусот можете да го соберете од пакувањето, заради материјалите од кои се изработени.

Лабораториските студии покажаа дека вирусот може да преживее на одредени површини со часови, па дури и денови – на картон и одредени видови пластика.

Колку е пониска температурата, толку е постабилен вирусот и храната нормално се транспортира во ладилниците на камионите.

Сепак, некои научници се сомневаат дека ваквите резултати би се добиле надвор од лабораторијата.

Д-р Џулијан Танг, професор по респираторна наука на Универзитетот во Лестер, вели дека во реалниот свет условите се менуваат со голема брзина, што значи дека вирусот не може да преживее долго.

Емануел Голдман, професор по микробиологија на универзитетот Рутгерс, посочува дека над 10 милиони честички на вируси биле користени во лабораториските студии.

Бројот на честички во една капка е само околу 100.

„Шансите за пренесување на вирусот преку површините се мали, а тоа е веројатно само во случаи кога некое лице кива или кашла на површината, а некој друг ја допира таа површина во рок од два часа“, напиша тој во јули за професионалното списание „The Lancet“.

Како се пренесува вирусот?

Ризикот од пренесување на вирусот преку пакување храна се заснова на претпоставката дека работниците во фабриките каде што е пакувана храната можат да дојдат во контакт со загадена површина и потоа да ги допрат очите, носот или устата.

Научниците веруваат дека ова е главниот начин на пренесување.

Сепак, американските Центри за контрола на болести на својата веб-страница наведуваат дека „се смета дека ова не е главниот начин на кој се пренесува вирусот“.

Всушност, научниците веруваат дека преносот најчесто се јавува преку личен контакт:

• помеѓу две лица во близок контакт, на растојание помало од два метри;
• со капки кога инфицираното лице кива или кашла;
• кога капките паѓаат во носот или устата на здрави луѓе или кога се вдишуваат.

Д-р Танг вели дека е тешко да се докаже дека некој се заразил преку пакување храна.

За такво нешто, објаснува тој, „неопходно е да се исклучи можноста некое лице да се зарази на друг начин, вклучително и контакт со асимптоматски случаи, а потоа да се потврди дека пакувањето на храна е навистина извор на инфекција“.

Како можам да останам безбеден/на?

„Досега нема потврдени случаи на пренесување на коронавирус преку храна или пакување“, рече Светската здравствена организација (СЗО).

Сепак, тие објавија список со препораки што треба да се следат за да не се заразите преку предмети.

СЗО наведува дека нема потреба да се дезинфицира амбалажата со храна, но истакнуваат дека „треба темелно да ги миете рацете откако ќе ја допрете амбалажата и пред да јадете“.

Кога одите во набавка на намирници, треба да ги исчистите рацете со антибактериски гел пред да влезете во продавницата, како и да ги миете рацете и намирниците темелно по враќањето.

Исто така, безбедно е да нарачате намирници преку испорака, доколку луѓето кои ги породуваат ги следат сите здравствени препораки.

Треба да ги миете рацете откако ќе ги преземете намирниците.

Некои експерти препорачуваат пластични кеси за еднократна употреба.