Избегала од Кина во САД за да ја открие тајната за потеклото на короната

17 август, 2020
Annotation 2020-08-17 135918

Младата кинеска лекарка Ли Менг Јан избегала од родната земја под закана дека ќе и се изгуби секоја трага ако му открие на светот дека ковид-19 е создаден во кинеска воена лабораторија.

Д-р Јан (36), чие семејство и пријатели биле сослушани и загрозени од функционерите на Комунистичката партија, откако ја напуштила татковината во април, стана пренесувач на информации за коронавирусот во Соединетите Држави, каде го крие местото на престој за кинеските власти да не ја пронајдат.

Според „Дејли меил“, таа во декември работела како виролог во лабораторијата на Универзитетот во Хонг Конг, инаку центар за истражување на заразни болести на Светската здравствена организација.

Нејзиниот шеф, професорот Лео Пан, ја замоли да испита таен сет на случаи на вирус сличен на САРС во кинескиот град Вухан. Овој професор бил еден од научниците кој се занимавал со идентификување на геномската секвенца на епидемијата САРС од 2003 година.

Она што го открила д-р Јан ќе биде игнорирано и дополнително потиснувано од режимот на Пекинг и неговите медицински експерти.

Им рекле на луѓето да не се грижат

Уште на почетокот на јануари, докторката, проучувајќи ги семејните кластери, дознала дека меѓу случаите во Вухан, вирусот се пренесува од личност до личност и дека други научници во Кина го секвенцирале геномот „ковид-19“.

Таа веќе тогаш знаела дека Вухан има повеќе случаи отколку што објавила кинеската влада и не верувала во тврдењата дека вирусот пристигнал од пазарот на морска храна, верувајќи дека станува збор за намерна лага.

„Тие не сакаа јавна дебата за вирусот. Им рекоа на луѓето да не се грижат “, вели д-р Јан.

Таа не беше единствената меѓу лекарите кои сакаа да му ја кажат на светот вистината за корона вирусот.

Осум експерти беа уапсени на 23 јануари заради предупредување за короната на социјалните мрежи.

Кинеските власти го нарекоа овој чин „ширење измама“, а потоа на 7 февруари почина еден од нив, д-р Ли Венлианг.

Во текот на февруари, чувството дека целата планета треба да биде вознемирена ја надмина оваа млада докторка, бидејќи вирусот почна да се шири низ целиот свет. Кластерите за прв пат се појави во Ломбардија, Италија и на јахтата „Diamond princess“ во Јокохама.

Вирусот се прошири понатаму во Јужна Кореја, Иран, Средниот исток и другите делови на светот, а до 28 февруари регистрираше 84.090 случаи и 2.874 смртни случаи низ целиот свет.

Бидејќи бројот на смртни случаи почна нагло да се зголемува, кинеската лекарка сфатила дека има сознанија за глобална катастрофа за кои нејзината влада намерно молчи.

Во Кина, на лекарите им било кажано да дијагностицираат само случаи поврзани со пазарот на морска храна во Вухан, и да ги игнорираат сите други.

 „Сфатив дека ова е итна информација што морам да ја споделам со целиот свет. „Не можев да молчам“, рече таа во интервјуто за „Фокс њуз“.

Д-р Јан неколку пати ги пријавуваше своите откритија, а еден од супервизорите и пришол еднаш и и рекол: „Замолчи и внимавај“.

Лажга и предавник

Со зголемениот страв дека информациите што таа ги има може да спасат многу животи, но и да резултира во повеќе смртни случаи ако не бидат објавени, младиот виролог одлучи да се пресели во САД.

Беше тешка одлука затоа што е во брак и е единствен дете на татко инженер и мајка учителка.

Знаела дека ако замине, никогаш повеќе нема да го види своето семејство и дека нејзините најблиски може да бидат казнети за нејзиниот јавен настап и откривање на државните тајни.

Сепак, таа добро знаела дека ако ги открие информациите додека била сè уште во Кина, ќе биде убиена или прогласена за исчезната. Преплашена и со минимален багаж, Јан се качила на летот за Лос Анџелес на 28 април. По пристигнувањето на аеродромот, таа им ја раскажала на граничните власти нејзината приказна, барајќи од нив да и дозволат престој во САД.

Во меѓувреме, нејзината куќа и канцеларија биле претресени, додека нејзините родители биле принудени јавно да кажат дека е лажливка и предавник.

Криејќи се во Соединетите држави, докторката посочи дека стравува дека ковид-19 е намерно создаден во лабораториски експерименти врз лилјаци заразени со корона вирусот, кои ги спровела кинеската армија.

Оттогаш, Кина се обиде на секој начин да ја ублажи својата репутација како експерт за вируси и да ги поткопа сите нејзини тврдења за потеклото и ширењето на короната.