Најлош избор на заштитна маска: Делува моќно, но всушност го зголемува ризикот од инфекција!

Целиот свет е фокусиран на носење маски како главен и најмоќен начин да се спречи ширењето на епидемијата на коронавирус.

Луѓето избираат сами дали да носат хируршки маски за еднократна употреба или оние направени во домашни услови, додека други се одлучуваат за поскапи опции што изгледаат „помоќни“ и затоа се „побезбедни“.

Ако треба да се верува на американскиот центар за контрола и превенција на болести (ЦДЦ), не треба да користите една маска, а тоа се оние со воздушен вентил.

“Целта на маската е да се спречи мешање на респираторните капки. Маските со вентил овозможуваат воздухот да влезе под маската и така лесно може да се случи размената на капки и потенцијална инфекција”, објаснуваат во ЦДЦ.

Експертите велат дека иако оваа маска го олеснува дишењето и помага да се ослободиме од топлина и влага во пределот околу устата и носот, сепак не е добар избор затоа што овозможува ослободување на нефилтрирани аеросоли и претставува потенцијален ризик за околината.