Наутро се будите без волја? Неколку работи кои мора да ги направите за денот да не ви почнува лошо

Избегнувајте будење одеднаш и одење во теретана

Утрото е време кога сме забавени. Дајте му на вашето тело време полека да се разбудите и полека да ги движите мускулите. Она што го правите откако ќе се разбудите, ќе го одреди вашето расположение до крајот на денот. Грешките што ги правиме наутро влијаат врз остатокот од нашето време и ако се повторат за долг временски период, тие можат да доведат до последици по нашето здравје. Поминете неколку минути во тишина, земете длабок здив и пијте вода.

Почнете со протегање

Кога ќе се разбудиме, нашите мускули, а особено нашиот ‘рбет, се малку вкочанети. Ако не се протегаме наутро, се чувствуваме вкочанети цел ден што ја намалува нашата продуктивност. Истегнете ги мускулите на нозете и земете неколку длабоки вдишувања. Ако сè уште доживувате симптоми како што се болка и пукање во вратот за време на ротирање на главата, вртоглавица, главоболка, останување без здив и мигрена, тогаш е можно вашиот атлас – првиот цервикален пршлен – да биде нарушен.

Не го почнувајте денот со телефон

Уште откако се појавија паметните телефони, првото нешто што повеќето од нас го прават наутро е да го собереме телефонот и да проверуваме е-пошта и пораки. Психолозите тврдат дека ваквото однесување нè прави помалку среќни и помалку продуктивни – и може да предизвика лошо расположение во текот на денот.