Ова е начин да се справите со синдромот на немирни нозе

9 јули, 2020
Annotation 2020-07-09 152844


Ако имате постојана потреба да ги одржувате нозете во движење, може да страдате од синдром на немирни нозе. Еве ги можните причини, како да се идентификува проблемот и како може да се ублажи.

Ова не е проблем што го загрозува вашиот живот, но може негативно да влијае на спиењето затоа што најчесто се појавува во ноќта, па затоа често се вклучува во нарушувања на спиењето. Се јавува поради неколку различни типови на чувства во нозете, како што се болка, чешање, горење, грчеви и чувство на трнење.


Со движење на нозете, човекот се ослободува од тоа чувство.


Овие чувства често може да се влошуваат пред спиење, што може да создаде проблеми со спиењето – од неможност да заспиете до будење во текот на ноќта.


Според американскиот Национален институт за невролошки нарушувања и мозочен удар или слични болести, дури 10 проценти од Американците страдаат од синдром на немирни нозе. Агенцијата тврди дека тоа го имаат околу два до три проценти од возрасните, што е околу пет милиони Американци. Но, тоа исто така може да влијае на децата. Се претпоставува дека околу еден милион деца на училишна возраст во САД страдаат од овој синдром.


Која е причината и дали е тоа наследно?


Експертите не ја знаат точната причина за синдромот на немирни нозе. Сепак, лекарите се сомневаат дека тоа е наследно и дека поверојатно е дека ќе го добиете ако има некој во семејството кој страда од овој синдром. Според некои проценки, скоро 50 проценти од луѓето со синдром на немирни нозе имаат роднини кои страдале од тоа.


Кои се другите фактори на ризик?


Некои хронични состојби, вклучувајќи дијабетес, периферна невропатија, бубрежна инсуфициенција и недостаток на железо, исто така може да бидат одговорни за развој на синдромот на немирни нозе. Некои бремени жени, исто така, го имаат овој синдром во текот на последното тримесечије, но тој се повлекува по породувањето. И некои лекови, како што се антихистаминици и антидепресиви, можат да го предизвикаат овој синдром.

Дали може да се влоши?


Овие болести не само што предизвикуваат овој синдром, туку можат и да го влошат. Експертите велат дека прекумерното внесување на алкохол исто така може да ги влоши знаците и симптомите на синдромот на немирните нозе. И недостатокот на сон се смета за нешто што може негативно да влијае на синдромот на немирни нозе, така што доколку го имате тој проблем, проверете дали сте доволно наспани.


Дали може да се излечи и како?

Лекарот ќе провери дали постои болест, која е причината, и како треба да ја третира за да го ублажи синдромот на немирни нозе. Исто така, постојат голем број на природни лекови како што се: јога, топли бањи, масажи, употреба на перници за загревање на стапалата или ладење, и се препорачува да се откажете од пушењето и алкохолот, пишува Health Digest.