Психолозите откриваат: Еве како самоизолацијата влијае на спиењето и соништата!

14 април, 2020
son

Самоизолацијата поради пандемијата на корона вирусот влијае на нашата потсвест и на нашите соништа, велат експертите.

Блогот „I Dream of Covid“ има вистинска колекција од соништа на писателите напишани низ целиот свет. Додека кај некои работата се врти околу КОВИД-19, други изјавиле дека сонуваат целосно необјаснети и чудни соништа.

Научниците кои се бават со спиење ги анализирале своите соништа врз основа на собраните податоци и ги искажале своите мислења.

Некои од нив веруваат дека ваквите соништа се резултат на промена на распоредот за спиење.

Повеќето луѓе сонуваат такви соништа имаат во РЕМ фазата и обично имаат подолги и подлабоки РЕМ циклуси. Другите експерти живописниот сон го поврзуваат со емотивен и психички хаос што во моментот го доживуваме.

Социјалниот психолог Дилан Селтерман за Вокс откри како и до кој степен пандемијата на корона вирусот влијае на нашиот сон и соништа.

Стрес и пандемија

Селтерман вели дека експертите немаат единствена теорија за соништата.

Некои луѓе мислат дека сонуваме ситуации за кои размислуваме и за работите што ги правиме додека сме будни.

„Ако сме под стрес поради пандемијата или заради работа или семејство, нормално е дека ваквите теми ќе се појават во нашите соништа“, вели психологот.

Други експерти веруваат дека целта на соништата е да се подготвиме за тешки или предизвикувачки ситуации кога сме будни. Некои веруваат дека ако сонуваме за нашите проблеми, соништата можат да го предвидат нашето ментално здравје во иднина.

„Ние се обидуваме емотивно да ја надминеме оваа состојба и да се подготвиме за иднината. Воопшто не сум изненаден што толку многу луѓе сонуваат за корона вирусот“, вели Селтерман.

Голем број луѓе сонуваат слични соништа?

Навиките за спиење најмногу влијаат врз живописноста на соништата.

„Можно е луѓето да го променат распоредот на спиење или да спијат повеќе и затоа сонуваат за такви соништа“, тврди психологот.

Сепак, Селтерман тврди дека не постои научен доказ дека повеќе луѓе сонуваат слични соништа, дури и по трауматски настан.

Предности на луцидните соништа

Луцидни соништа се оние во кои лицето е свесно дека сонува и може да ги контролира.

„На овој начин, тие можат да ја надминат негативноста и да бидат поисполнети бидејќи самите ја контролираат содржината на соништата“, вели психологот.

Дневник на соништа

Ако во моментов имате особено живописни соништа, можете да започнете да пишувате дневник за соништата, без разлика дали верувате во нивното поголемо значење или не.

„Начинот на кој ги разбираме соништата може да се филтрира преку нашите сопствени погледи за она што тие значат“, заклучи Селтерман.