Се очекува зголемена смртност и уште поголема оптовареност на здравствените капацитети: Новиот вид Корона носи бројни опасности!

30 декември, 2020
shutterstock_1624415920

Досега се потврдени повеќе од 3.000 случаи на инфекција со британската варијанта на вирусот во Велика Британија и ширум светот

Постои „висок“ ризик дека неодамна идентификуваните варијанти на коронавирус ќе предизвикаат дополнителен притисок врз здравствените системи и поголема смртност затоа што тие се позаразни, предупреди во вторникот Европскиот центар за превенција и контрола на болести (ECDC). Во својот последен извештај, ECDC проценува дека „иако нема информации за тешки случаи на инфекција“ со овие варијанти на вирусот, нивната поголема инфективност ќе има „поизразен ефект врз бројот на хоспитализации и смртни случаи“.

Ова е особено точно за „старите лица или оние со истовремени болести“, според агенцијата со седиште во Стокхолм. Извештајот првенствено е посветен на варијантите на вируси неодамна откриени во Велика Британија и Јужна Африка, за кои е откриено дека имаат „зголемен пренос“. Досега се потврдени повеќе од 3.000 случаи на инфекција со британската варијанта на вирусот во Велика Британија и ширум светот.