Што зборуваат вашите усни за вашето здравје?

Усните се еден од најважните барометри на нашето физичко и ментално здравје, тврди експертот за велнес и експерт за алтернативна медицина Хари Симран Калса од Лос Анџелес. Иако честопати ги поврзуваат со убавината, таа верува дека усните делуваат како „прозорец“ на внатрешната работа во нашите тела.

„Горната усна ги претставува белите дробови, тироидната жлезда, срцето, желудникот, црниот дроб и бубрезите, додека  долната усна е одраз на цревата“, напиша таа во една од своите колумни.

Меѓу другото, еве што можат да откријат усните за вашето здравје:

Суви или испукани усни

Сувоста на усните дава увид во истиот недостаток на влага во остатокот од телото, а исто така може да биде предизвикана од клима, дехидрираност, напнатост, вознемиреност или страв.

Во меѓувреме, западната медицина вели дека испуканите усни можат да бидат знак на разни алергии.

Испукани усни

Тие честопати се знак на анемија поради недостаток на железо во организмот. Ајурведската медицина тврди дека испуканите усни можат да бидат резултат на болка, загриженост, сувост во телото или чувство на студ.

Дисколорација или избледена боја на усните

Хари Симран вели дека ова може да укаже на проблем со циркулацијата во остатокот од телото. Ова мислење се рефлектира во западната медицина, во која се вели дека кога количината на кислород во крвта паѓа, усните добиваат плава нијанса.

Чувство на пецкање, топли и црвени усни

Во модерната наука, постои тврдење дека депресијата, меѓу другото, може да се препознае преку симптомот на запалени усни, пишува Daily Mail. Поточно, психолошката нерамнотежа предизвикува сензорно преоптоварување во мозокот, што исто така се пренесува на усните. Слично на тоа, Хари Симран вели дека согорувањето на емоциите како што се лутина, љубомора, огорченост, иритација и недостаток на сочувство може да има ист ефект врз усните.

Брчки на горната усна

Инструкторот по јога исто така ги споменува физичките и емоционалните причини поради кои може да почнете да добивате брчки на горната усна. Некои од причините може да бидат пушење или физичка напнатост, но исто така и вознемиреност и страв.

Треперење на усните

Треперењето на усните обично се смета за знак на проблеми со нервниот систем како што се грчеви во мускулите, а Хари Симран вели дека исто така може да биде предизвикана од замор, слаб нервен систем, страв, самосомневање и емоционална напнатост.

За да ги задржите усните здрави, Хари Симран Калса советува:

1. Користете балсам за усни што ќе ја одржува нивната влажност

2. Зголемете го внесот на вода

3. Намалете ја количината на преработена храна и шеќерот

4. Не гризете, лижете или лупете ги усните

5. Вдишувајте низ носот, а издишувајте низ устата.