СПИЕТЕ ДО ДЕВЕТ ЧАСА НАВЕЧЕР И ПОВТОРНО ВО ТЕКОТ НА ДЕНОТ? Можно е да имате опасна болест, мора да престанете да го правите тоа!

16 септември, 2020
СПАВА

Спиењето подолго од девет часа во текот на ноќта и дремењето повеќе од 90 минути во текот на денот може да го зголеми ризикот од мозочен удар, покажуваат последните истражувања.

Истражувањето е спроведено во Кина, при што биле испитани 31.750 лица со просечна возраст од 62 години, а резултатите биле објавени во странско списание.

Студијата покажа дека шансата да добиете мозочен удар кај луѓе кои спијат подолго од девет часа е 23 проценти поголема од оние кои спијат седум до осум часа. Исто така, ризикот од мозочен удар кај луѓето кои редовно дремуваат повеќе од 90 минути во текот на денот е 25% поголем од оние кои спијат максимум еден час или воопшто не спијат.

Истражувањата исто така покажуваат дека оние кои спијат подолго од девет часа во текот на ноќта и повеќе од 90 минути во текот на денот имаат 85% поголем ризик од мозочен удар.

За време на студијата, здравствената состојба на испитаниците била следена шест години, а во тој период, 1.557 од нив претрпеле мозочен удар.

Шаомин Занг, од Универзитетот Хуазонг, наведува дека овие резултати покажуваат дека се потребни дополнителни истражувања за поврзаноста помеѓу долгиот сон и ризикот од мозочен удар. Тој додава дека претходните истражувања покажале дека оние кои долго спијат во текот на ноќта или денот имаат несакани промени во нивото на холестерол.

– Покрај тоа, долгиот сон во текот на ноќта и дремењето преку ден може да укажуваат на генерално неактивен начин на живот, што исто така може да биде поврзано со зголемен ризик од мозочен удар – истакнува Шаомин.