Во оваа држава мигрената стана болест која предизвикува попреченост

6 септември, 2020
migrena-830x0

Италијанскиот Сенат го одобри нацрт-законот во кој се наведени мигрена и тешка главоболка како болести кои предизвикуваат попреченост, пишува италијанскиот „Манифест“.

Повеќе од 26 милиони Италијанци страдаат од главоболка, од кои 75% се жени, а осум милиони страдаат од хронична мигрена.

– Оние кои страдаат од мигрена имаат комплициран живот и честопати земаат лекови против болки, кои немаат долгорочни ефекти, а сето тоа го чини пациентот најмалку 2.600 евра годишно, не сметајќи ги тешките ефекти во личниот и професионалниот живот – изјави таа за весникот Сенаторот Паола Болдриним е една од потписниците на законот. Со овој закон, мигрената ќе биде препознаена, на национално ниво, како болест што предизвикува попреченост, што е првиот чекор за точна дијагноза преку специјализирани центри кои се отвораат низ цела Италија.

По повод новиот закон, „Ил Манифесто“ цитира делови од книгата на лекарот Паоло Пигози, специјалист за исхрана и клиничка дијатеза „Главоболка и како да се третира со правилна исхрана“. Лекарот тврди дека прво е потребно да се утврди од каков вид на главоболка страда пациентот и советува да се обрне внимание на исхраната, бидејќи многу видови на главоболка се последица на тоа што и како јадеме. Д-р Пигози потврди дека умереното пиење кафе може да спречи некои форми на главоболка, но дека прекумерното пиење кафе го зголемува ризикот од криза.