Зошто бремените жени не смеат да креваат и да носат нешто тешко?

18 април, 2020
bremena zena

Покрај тоа што им е многу тешко, особено кога стомакот почнува да расте, постојат и неколку важни причини кои откриваат зошто кревањето тешки предмети во бременоста може да биде дури и опасно.

Во бременоста лигаментите стануваат пофлексибилни, а зглобовите се помалку стабилни, со што се зголемува можноста за повреда. Како што расте стомакот, центарот на гравитација се спушта пониско и притисокот врз долниот дел на грбот станува поранлив.

Промената на тежиштето може да предизвика недостаток на рамнотежа што ја зголемува веројатноста за бремената жена да падне и со тоа да се повреди и себе си и детето.

Кога сте бремени, а морате да кренете потежок предмет, важно е како ќе го подигнете.

Свиткајте се на колена, држете го грбот исправен и користете ги мускулите на нозете повеќе од мускулите на грбот. Ако товарот е толку тежок што предизвикува поголемо оптоварување, не го подигнувајте, туку побарајте помош од некој друг.