Зошто пуф-ракавите се омилен тренд и оваа модна сезона?
Внимателно изработени, од нежни материјали, тие секогаш ја потенцираа убавината на женската фигура и нејзината елеганција.
Денес сликата е малку поинаква. Брзата промена на трендовите, развојот на модната индустрија и развојот на човечката свест доведуваат до воведување на различни стилски елементи од еден период во тековниот тренд преку различни толкувања. Така, значењето на самата облека значително се менува. Она што сè уште останува исто е дека пуф-ракавите ја потенцираат женственоста.
Нивната експанзија на модната сцена започна минатата година, но, судејќи според се, овој тренд ќе продолжи и оваа сезона и ќе заземе високо место на модната листа.
Кошули и кратки маички со пуф-ракави се нешто што сега можете да го облечете со омилените фармерки и да изгледате привлечно.
Пронајдете го омиленото парче и пробајте го овој тренд, ќе бидете изненадени колку свежина може да донесе на вашата облека.