Така се посебни и овие необични и интересни алкохолни чепкалки за заби „инфузирани“ со алкохол
Чепкалките за заби со вкус на алкохол од компанијата „Данесон“ се рачно направени со разни вкусови, од цимет до нане, но досега најинтригантни се оние со вкус на слад и бурбон. Не можете да ми кажете дека идејата за дрвени чепкалки за заби натопени во вкусно виски не звучи интересно.
Секоја чепкалка за заби од Данесон е направена од дрво (секако) од екстра квалитетен фурнир мелен од северна бела бреза и натопена во виски. Тенките дрвени стапчиња (чепкалки за заби) се сушат во рерна за да внесат карактеристичен вкус за време на потрошувачката.
Белите чепкалки за заби имаат препознатлив темен заострен крај и се доставуваат спакувани во пластични шишиња со капачиња за да не го изгубат вкусот. Секое шишенце содржи 12 рачно изработени чепкалки за заби. Бидејќи чепкалките се дизајнирани како подароци, тие се наоѓаат во различни убави кутии.
Па, како се овие чепкалки за заби инфузирани со виски? Општите повратни информации од клиентите за овие алкохолни чепкалки за заби се позитивни, иако има и неколку негативни критики.
“Обично ги користам овие чепкалки за време на викендите. Тие се добар начин да ја разбијам здодевноста на долгото возење или кога седам на балкон во убаво време. Овие чепкалки имаат соодветен сооднос на јачина и мекост”, напишал еден задоволен клиент.
“Тие се слични на гума за џвакање по тоа што вкусот е дефинитивно забележлив на почетокот, но на крајот се губи. Триесет до шеесет минути е онолку колку што јас користам една. Тогаш е време да пробате нов вкус!” рече друг корисник на алкохолни чепкалки за заби.
Сепак, не сите се согласуваат. Иако се чини дека постои општ консензус дека чепкалките имаат добар вкус и дека нивниот третман е добар, некои очигледно ги сметаат за фрлање пари.
“Ова е фрлање пари. Чепкалките за заби во самопослуга имаат повеќе вкус. Жал ми е што залудно ги потрошив овие пари. Можеби треба сам да ги натопам во бурбон”, коментира незадоволен клиент.
На официјалната веб-страница на Данесон, ароматизираните чепкалки за заби се продаваат за 28 долари за пакување со две шишенца до 100 долари за поклон кутија со џамбо големина (24 шишенца).