ФАНОВИТЕ „УДРИЈА“ ПО ЈЕЛЕНА КАРЛЕУША „Мораш да мислиш и на децата!“
Српската пејачка повторно е во центарот на вниманието
Самопрогласената дива, 41-годишната Јелена Карлеуша, со години се фали со луксузен начин на живот и редовно им служи на своите следбеници скапи крпи дизајнирани по најнова мода. Gucci, Louis Vuitton, Prada, Chanel се омилените брендови на Јелена, а некои светски sвезди би ѝ завидувале на нејзината колекција за пофалба.
Но, освен што секој ден се фали со брендирана облека, Карлеуша обожава да позира гола. И овој пат таа изненади многу следбеници со фотографија на која позира во минијатурен костим за капење, а во преден план ги стави силиконските гради. Но, се чини дека им замерила на некои обожаватели за последната фотографија.
„Треба да мислиш и на децата. Не е во ред да објавуваш фотографии на кои позираш гола. Па, веќе си возрасна жена“, се само дел од коментарите под фотографијата. Иако е позната и како жена без влакна на јазикот, а поради нејзината дрскост честопати е мета на негативни коментари, Карлеуша ги игнорираше контроверзните коментари.
Со години се шпекулира дека Јелена секоја критика ја доживува лично, па на нејзината блокирана листа има стотици хејтери. Некои исто така веруваат дека пејачката спасот го пронашла во низа алатки за уредување фотографии, а повеќето се согласија дека пејачката честопати претерува со фотошоп. Неодамна протекоа фотографии од снимањето на музичкото шоу „Ѕвездите на Гранд“, на кои се гледа како Карлеуша, исто како и повеќето жени, се бори со целулитот. Добро, не на Instagram. Само во реалниот свет.
Инаку, Јелена веќе 12 години е во бурен брак со српскиот фудбалер Душко Тошиќ. Иако се шпекулираше дека нивната врска е на стаклени нозе, Јелена и Душко ги негираа шпекулациите за разводот. Заедно имаат две ќерки – Атина (12) и Ника (11) кои уште од раѓање ги пополнуваат медиумските колумни. Постарата ќерка неодамна стана и ѕвезда на TikTok, веќе има 125.000 следбеници на платформата.