ИСЧЕЗНА ТАЊА САВИЌ!

Пејачката Тања Савиќ повторно ја изгубила можноста да ги земе своите синови Максим и Џорџе, а токму поради нив купила и стан во Смедерево.

Пејачката подготвила сè за своите синови, дури им купила и домашно милениче, џуџе зајак, но сепак не заминала во Австралија за да ги донесе во Србија.

И тоа како да ја потресло многу, па се повлекла од јавноста и, како што велат нејзините пријатели, не се јавува никому, па затоа многумина се загрижени:

– Со денови се обидував да ја добијам поради некаков договор за работа, но таа не ми се јавува, а некои наши пријатели ми рекоа дека состојбата е слична и со нив. Й пишавме и на социјалните мрежи, но таа само ги гледа пораките, а не одговара на нив. Не знаеме што ѝ е, дали е лута или во што е проблемот. Ние се грижиме за неа – рече еден од колегите на Тања, кој инсистираше на анонимност, и на кого секогаш се јавувала и одговарала на пораки и повици.

Никој не знае зошто се повлекла Савиќ. Пејачката била заклучена во станот во Смедерево, од каде повремено објавуваше некои снимки.

За потсетување, Тања веќе една година води битка со нејзиниот сопруг Душан Јованчевиќ, кој ги однел неговите синови во Австралија, а пејачката сега добила потврда од тамошниот суд дека може да ги земе децата за да ги однесе во Србија . Сепак, Душан сега поднел жалба и Савиќ ќе мора да почека заради состојбата со пандемијата на корона вирус.