„Оваа жена го живее животот“: Лепа Брена ужива во егзотиката, додека сите коментираат!

Лепа Брена и Боба Живојиновиќ решија да го прослават Божиќ далеку од дожд и снег, па отпатуваа во потоплите региони. Иако помладиот дел од семејството Живојиновиќ ужива во Србија, славната двојка реши да ги помине празниците на Малдивите.

Брена на својот Инстаграм веднаш се пофали со фотографија на која ужива на сонцето и морето, а во исто време ја покажа и витката линија.

„Беки, ти живееш!“, „Оваа жена го живее животот од своите соништа“, „Само да можев еден ден да бидам Брена“ – ова се само некои од коментарите што придружниците и ги испратија на пејачката на споменатата фотографија.

Се разбира, овие коментари не следеа само врз основа на ова патување на семејството Живојиновиќ. Во текот на 2020 година, Брена и Боба решија да си направат пауза и да посетат неколку атрактивни дестинации. Исто така, првпат по четириесет години од нејзината кариера Брена успеа да одвои подолг временски период за одмор. Пред неколку години, таа го подреди своето време на работа, па сега секој момент го користи за да се опушти.

Живојиновиќ минатото лето поминаа неколку месеци на својата јахта, на која најпрво крстареа по Азурниот брег. Уживаа во Кан, Монако, Ница, а подоцна отпловија за Хрватска, каде поминаа неколку возбудливи недели со пријателите. После тоа, тие ја посетија Црна Гора, но поминаа и неколку незаборавни недели во Италија. На крајот на годината, со кратка посета на Белград, тие отпатуваа за Америка, каде се одморија во нивниот дом во Мајами. Затоа, не е изненадувачки зошто многумина ја коментираа Брена дека го живее животот од нејзините соништа и дека многумина со задоволство би скокнале во нејзините „чевли“.