Ибица е секогаш избор на љубителите на ноќниот живот, но овој шпански остров има многу повеќе да понуди

20 јуни, 2021
foto-pixabay-marucha-830x0

Иако островот е поврзан со одличен ноќен живот за помладите туристи, поголемиот дел од Ибица ја зачувал својата автентичност, поради што е на списокот на светско наследство.

Кој не го посетува грчкиот остров Закинтос а сака да ужива во лудите ноќни излегувања за време на летните одмори, многу често бира еден шпански остров. Што не е чудно затоа што Ибица често се карактеризира како европска престолнина на забавата.

Сепак, ова секако не значи дека островот не нуди бројни содржини за туристи, кои навистина не копнеат по забави до доцна во ноќта.

Остров со богато минато

Бидејќи со Ибица управуваа не само Грците и Римјаните, туку и Феникијците, Маврите и други народи, трагите од нивните култури сè уште се видливи на целиот остров. Затоа голем дел од овој шпански остров е на списокот на светското културно наследство. Благодарение на тоа, значителен дел од Ибица успеа да ја зачува својата автентичност.

Сепак, сето ова не влијаеше на фактот дека островот стана познат меѓу туристите од целиот свет, како место каде што можете одлично да се забавувате.

Барови и кафулиња, познати по одличната забава, се наоѓаат најпрво во главниот град Ибица. А, ако ја посетите западната страна на островот, не пропуштајте го Сант Антонио, кој е „втора престолнина на забавата“ на островот.

Одмор на Ибица

Доколку одлучите да го поминете летото на овој остров, покрај тоа што ќе се забавувате, можете да уживате и во запознавањето на богатата историја на Ибица, но и во пливањето на некоја од феноменалните плажи.

На југот на Ибица се наоѓа плажата Лас Салинас, која се смета за една од најпознатите. Во околината на главниот град има повеќе од 50 плажи. До повеќето од нив може да се стигне со редовни автобуски линии.

Се верува дека една од трите магнетни точки на Земјата се наоѓа токму тука. Поточно, на плажата Ес Ведра на Ибица, која е позната по својата карпа, висока околу 400 метри и која штрчиод морето.

Еден од симболите на овој шпански остров е гуштер од видот Мураденсис. Туристите можат да ги видат припадниците на овој ендемски вид кога ја посетуваат пештерата Сан Марко, чија проценета старост е околу 100 000 години.

На островот нема недостаток на плажи. Каде и да бидете сместени, ќе најдете една по ваш вкус. Некои од најпознатите се: Фигеретас, Таламанка, Кала Бланш, Са Калета, Ес Кавалет и други.