Колку чини една лежалка во Грција, Хрватска, Црна Гора и Албанија

28 јуни, 2021
ulcinj-shutterstock_149030240-Devteev-725x482

Цените на лежалките со чадори за сончање на плажите во регионот годинава многу варираат во зависност од местото, но и од самото кафуле, локацијата, па дури и датумот. Ја проверивме моменталната состојба во земјите каде што традиционално има најмногу македонски туристи.

Во Грција сè уште има кафулиња на плажата каде што добивате место под чадор со пијалок, но има сѐ повеќе и повеќе оние кои поставуваат фиксна цена за две лежалки во сенка – и се движи од 5 до 20 евра .

На пример, во Лептокарија има место каде што ќе ви наплатат 2,5 евра по лице и сè уште служат кафе, на Тасос 12 евра по комплет. Постојат кафулиња каде што ќе платите две цени во исто кафуле – за две лежалки од првиот ред до морето ќе треба да платите 10 евра, а за четвртиот ред 5 евра.

Секако, ќе бидат многу повисоки на фенси плажи во луксузни лежалки најблиску до морето, што е луксуз за кој минатата година требаше да платите до 50 евра.

Слична е состојбата и во Црна Гора, со низа цени и броење редови.

„Обично се 10 евра, но има и 5, но и 15, 20. Мислам на обични лежалки со чадори, и до 40 евра за кревети со чадори за цел ден на повеќе урбани плажи“, откри Ана, која во моментов престојува во Црна Гора.

Во Хрватска просекот е нешто поголем, за две лежалки и чадор треба да одвоите од 10 до 20 евра, а на Хвар до 30.

Конечно, тука е Албанија, која сепак е најповолна во тој поглед. Како што пишуваат туристите на социјалните мрежи, во Валона се изнајмуваат два лежалки и чадор за 3,5 евра, во Ксамил за 8.