Грција: Шест острови без корона кои треба да ги посетите ова лето

АТИНА – Кастелоризо, официјално Мегисти, е првиот остров во Грција кој е целосно вакциниран.

Целото население на овој мал остров е вакцинирано од крајот на јануари.

Со над 90 проценти од локалното население вработено во туристичката индустрија, овој остров сигурно ќе биде прибежиште за оние на кои им е потребно бегство во 2021 година, објави „Еуроњуз“.

Исто така лоциран на повеќе од 350 километри од Атина, островот Липси е совршено место за патници кои сакаат да побегнат од се.

Освен прекрасното пристаниште, островот нема многу градови и села, но компензира со својата убавина.

Прекрасните пејзажи и затскриени места за капење го прават Липси идеално место за бегство од реалноста.

Она што го прави уште поидеално е тоа што немало ниту еден случај на корона вирус од почетокот на пандемијата.

Исто така, именуван по мајчината душица која цвета на неговите ридови, островот Цимена е вториот по големина остров во архипелагот Фурни.

Ретко населен, тој беше еден од островите кои имаа корист од владината политика за целосно вакцинирање на сите острови со помалку од 1.000 жители.

Цимена нема толку зеленило како некои други грчки острови, но може да се пофали со мал, убав манастир на врвот на еден од неговите ридови.

Островот е лесно достапен со траект, но повеќето посетители остануваат на него само неколку часа.

Љубителите на забавата ќе бидат воодушевени кога ќе слушнат дека вакцинацијата на островот Лос е скоро завршена.

Лоциран во срцето на Егејското Море, Лос е на околу седумчасовно возење со брод од Атина.

Безгрижната атмосфера на островот го прави патувањето вредно.

Лос е исто така популарен кај постарите лица, надвор од сезоната, одморот на него е како одмор на кој било друг грчки остров.

Меганиси не е толку популарна туристичка дестинација како другите грчки острови, но е совршена ако сакате да искусите грчки остров и да ги избегнете гужвите.

Можеби најдобриот начин да се доживее Меганиси е еднодневно патување, бидејќи е само 30-минутно возење со траект од попопуларниот остров Нидри.

Едно нешто што го издвојува овој остров од другите се карпестите плажи кои ја прават водата совршено проѕирна.

Со целосно вакцинираната популација, нема причина да се прескокне посетата.

Каламос е бог на реката Маеандер во грчката митологија и овој остров има сè што е потребно за да го оправда своето божествено име.

Ова е планински остров што го прави идеален за планинарски излети.

На островот има само две населби покрај море, плажите се карпести, а урнатините на венецијанскиот замок го прават островот уште попривлечен.