Сè за убавина и здравје: Плажа каде човечки глави излегуваат од песок
За глетката да биде поморбидна, честопати можете да видите персонал во униформа како закопуваат тела со лопати…
Кога еден човек мисли дека ништо повеќе од Јапонија не може да го изненади – пристигнува ново изненадување. Имено, ако шетате по јапонските плажи, особено по популарната плажа Ибусуки, ќе ве пречекаат човечки глави кои „ѕиркаат“ од песокот.
Некои од нив имаат мали шарени чадори над нив, а за да биде глетката поморбидна, честопати можете да видите персонал во униформа како закопуваат тела со лопати.
Пред да ве поминат морници, не грижете се. Тоа е традиција наречена топла парна бања со песок. Стара е над 300 години и е еден вид бања што користи врели извори на вода под песокот на плажата.
Знаете како се обидувавме да се покриеме со песок во детските игри на одмор, така што само нашите глави се гледаат? Па, во Јапонија ова има и корисни ефекти ако знаете како да најдете добра локација. Благодарение на топлите извори, температурата под песок може да достигне до 55 степени.
Најпозната дестинација каде можете да пробате песочна парна бања е градот Ибусуки на југ, каде што има место за дури 200 гости под песокот. Го посетуваат над 2 милиони посетители годишно, а лесно е препознатлив по речиси црните песочни плажи.
Персоналот на плажата ги закопува „клиентите“ под песок десетина минути додека не ги облее пот. Се верува дека оваа постапка ја подобрува циркулацијата и метаболизмот, ги релаксира мускулите и има ефект 3 или 4 пати посилен од класичната парна бања.
Затоа, најчесто прибегнуваат млади жени и се поголем број туристи, како еден вид третман за убавина. Сепак, убавината доаѓа одвнатре