АМЕРИКАНСКИ МЕТОД ПРОТИВ НЕСОНИЦА: По само три минути би можеле да заспиете „како бебе“

Несоницата е нарушување на спиењето што значително го намалува квалитетот на живот. Лицето не може да заспие, спие во полусон, често се буди во текот на ноќта или по само неколку часа спиење, т.е. премногу рано наутро.

Ако сакате да го решите овој проблем без лекови, обидете се да го примените т.н. американски метод кој трае само три минути.

Опуштете го целото лице, вклучително и мускулите на вилицата и мускулите во устата. Спуштете ги рамената за да се ослободите од напнатоста и оставете ги рацете да паднат настрана од телото.

Издишете и опуштете ги градите.

Опуштете ги нозете и уште малку градите.

Исчистете го умот замислувајќи релаксирачка сцена десет секунди. Ако не успеете, обидете се да ги изговорите зборовите „немој да мислиш“ повеќе од десет секунди.

Во рок од 10 секунди, треба да заспиете.