Хуманост пред професијата: Наместо да ги апси за кражба во продавници, полицаец направи НЕШТО за што зборува целиот свет

4 јануари, 2021
ењр

Наместо да апси две жени кои краделе намирници во супермаркет, полицаец од Масачусетс купил подарок картичка со свои пари за да можат да ги купат сите потребни намирници.

Полицаецот Мет Лима добил повик од супермаркетот Стоп и Шоп во кој му било кажано дека две жени биле снимени на камера кои криеле намирници во торбите што не ги пријавиле на каса. Жените кои со себе понеле две мали деца биле запрени набргу по излегувањето од продавницата. Полицаецот Лима има и две девојчиња на слична возраст, па затоа му било непријатно што морал да приведе две жени.

За да не слушнат децата ништо за тоа што се случува, тој повика една од жените од страна и праша што се случило. Жената му објаснила дека е вработена, но дека нејзината пријателка, мајка на децата, нема работа и има други семејни проблеми. „Таа само сакаше да земе нешто за децата за Божиќна вечера“, изјави полицаецот Лима за Си-Ен-Ен, пренесува РТС.

Кога ги проверил нивните торби, се погрижил да земат само храна. Тој сфатил дека на ова семејство му треба помош и наместо да ги уапси, им напишал предупредување на двете жени и купил подарок картичка за друг супермаркет за да можат да купат.

Ваквата реакција на полицајката Лима предизвика поројни пофалби на социјалните мрежи.