Имате проблем при донесување одлуки? Овој трик може да ви помогне да го решите проблемот!

Ако им се верува на психолозите и нивните студии, се чини дека последната личност што треба да ја побарате за совет кога треба да донесете одлука сте ВИЕ!

Факт е дека луѓето носат подобри одлуки кога станува збор за туѓите проблеми, и тоа затоа што тогаш размислуваме со ладни глави и не сме толку субјективни како кога станува збор за нас самите.

Затоа, кога треба да донесете важна одлука, прво погледнете ги сите аспекти, но од туѓа перспектива – советуваат научниците. Тие дошле до заклучок на следниов начин: собрале 100 луѓе кои биле во долга врска, а потоа замолиле едниот од нив да замисли дека го изневериле партнерот, а другиот дека нивниот пријател го изневерил нивниот партнер. Тогаш тие мораа да кажат што мислат – што треба да направат нивниот пријател или тие по неверството.

Како што очекуваа научниците, оние кои размислуваа за случај на пријател, донесоа поумни одлуки, во споредба со оние кои размислуваа за себе. На новите 100 учесници им беше кажано следново: Вие или вашиот пријател го изневеривте вашиот долгогодишен партнер. Што според вас е вистинската работа да се направи? Дел од испитаниците требаше да одговорат од перспектива на виновникот, а другиот дел од перспектива на трета страна.

Повторно, научниците беа во право – оние кои се ставаа во позиција на личност што изневеруваше од далечина, како трето лице, подобро расудуваа и ја набљудуваа ситуацијата од различни перспективи, замислувајќи неколку можни исходи. Од сето погоре, можеме да заклучиме дека, кога треба да донесеме одлука, најдобро е да замислиме добар пријател во таа ситуација, внимателно да ја разгледаме ситуацијата од сите агли и да откриеме што би го советувале да стори.