ИЗМИСЛИЛ СОПСТВЕНО КИДНАПИРАЊЕ САМО ЗА ДА СЕ ИЗВЛЕЧЕ ОД РАБОТА: Го најдоа со врзани раце и банана во устата

Тој беше уапсен на 17 февруари за лажно пријавување во полиција

Човек од Аризона бил толку очаен да се извлече од работа, што сам си организирал киднапирање, објавија властите.

Брендон Соулс (19) беше пронајден со рацете врзани зад грб и банана во устата во близина на водената кула на почетокот на овој месец, објавија локалните медиуми.

Соулс им соопштил на властите дека бил киднапиран од две маскирани лица и удрен во главата, по што изгубил свест.

Мажите потоа го избркале и го оставиле таму каде што подоцна го нашле, наводно им рекол Соулс.

Сепак, по спроведената истрага, детективите не најдоа докази дека се случило киднапирање, пренесоа медиумите.

Младиот човек тогаш им признал на властите дека „измислил приказна за да се извлече од работа“.

Тој беше уапсен на 17 февруари за лажно пријавување во полиција.