Кога ќе ги забележи слабите точки на човекот, компјутерот може да влијае на одлуките на луѓето

Моќта на технологијата е толку голема што, дури и кога само играте игра на компјутер, таа може да „разбере“ кои се вашите слаби точки и врз основа на тоа знаење, да ве натера да донесувате понатамошни одлуки.

Австралиската национална агенција за наука ЦСИРО објави нова студија која демонстрира дека вештачката интелигенција може да се искористи за да влијае врз донесувањето одлуки кај луѓето со искористување на ранливоста на една личност, односно неговите слаби точки, како и навиките и моделите на однесување. Истражувањето е објавено во престижното списание „Зборник на трудови на Националната академија на науките“.

Човек против компјутер и обратно
Научниците извршиле три експерименти во кои учесниците играле компјутерски игри. Бидејќи компјутерот доби увид во однесувањето на луѓето, врз основа на нивните одговори, тој автоматски ги идентификуваше и насочуваше слабостите во донесувањето одлуки на поединците, со цел да ги насочи кон специфични активности или цели. Неврологот и експерт за програмирање на ЦСИРО, д-р Амир Дезфули, кој го водеше истражувањето, рече дека тоа ја потенцира потенцијалната моќ на вештачката интелигенција и ја потенцира потребата за правилно управување за да се спречи потенцијална злоупотреба.

Дали компјутерите можат да „научат“ како да влијаат врз луѓето?
Истражувачкиот тим анализирал дали е можно компјутерите да „научат“ како да влијаат врз луѓето. Истражувањето е поделено на три главни експерименти околу изборот на акција, тешкотиите при давање одговори и социјалното донесување одлуки за развој на контрадикторна рамка. Врз основа на оваа рамка, истражувањето открило дека е можно да се научи компјутер да предизвикува одредени однесувања и исходи од интеракции со луѓе. Исто така, откриено е дека рамката може да се искористи за генерирање на неприкосновено однесување и градење доверба.

Технологии за манипулација или социјална корист

Иако истражувањето беше теоретско, неговите импликации се потенцијално зачудувачки. Вештачката интелигенција и програмирање нудат значителни придобивки во многу области, вклучувајќи го и здравјето. На крајот на краиштата, колку одговорно ќе ги поставиме овие технологии, ќе утврди дали ќе се користат во корист на општеството или за да се манипулираат со луѓе, за некоја корист. Ова истражување го подобрува нашето разбирање за тоа како луѓето донесуваат одлуки и ќе ни помогне подобро да откриеме и да избегнеме обрасци што можат да бидат злоупотребени – објасни д-р Десфули.

Технологиите за вештачка интелигенција се многу моќни
Истражувањето е спроведено во партнерство со австралискиот национален универзитет АНУ, германскиот универзитет во Тибинген и германскиот институт за биолошка кибернетика Макс Планк. Д-р Џон Витл, директор на CSIRO Data61, рече дека откритието ја потенцира зголемената важност на етиката во рамките на вештачката интелигенција и програмирање.