За 10 минути кажуваме барем една невистина т.е лага: Кого најмногу лажете?

14 јануари, 2021
10978609835fff0ab9c63e0837640649_v4_big

Кога некој ќе ве праша дали лажете, сигурно ќе кажете не. Па дури и тогаш ќе излажете. Верувале или не, едно истражување покажа дека во 10-минутен разговор изговараме барем една невистина. Секој од нас има карактеристични движења што ги прави кога ќе каже лага, па затоа внимавајте да не ве фатат.

Од каде потребата да лажеме? Дали некогаш го правиме тоа несвесно или едноставно се водиме од фактот дека мала лага никого нема да повреди? И, дали можеме да разбереме, врз основа на нечиј говор на телото или гестови, дека тој не е многу искрен со нас?

Д-р Кристина Брајовиќ Кар, психолог, изјави дека луѓето најмногу се лажат себеси.

„Честопати оние работи што не се вистинити, еден ден ќе бидат вистинити ако веруваме дека сме таква личност, дека некои работи се остварливи …“, објасни Брајовиќ Кар.

Вистината е сурова, подвлекува таа и додава дека луѓето доаѓаат на психотерапија „не заради вистината, туку заради среќата“.

„Самата вистина не е толку вредна како некој да ја постави вистината како морален императив. Тоа е доста контроверзно. Ако сите ја зборувавме вистината, како би изгледале нашите односи?“