За Јелена Карлеуша се вели дека е најконтроверзната пејачка на Балканот, а „ласкавата“ титула ја доби благодарение на проблематичните изјави и екстравагантните и провокативни комбинации на облека. Таа ги следи светските трендови, а многу sвезди, меѓу кои Ким Кардашијан и Џенифер Лопез, како што рече Јелена, го копираат нејзиниот уникатен стил.
Ја следат повеќе од два милиони следбеници на социјалните мрежи и скоро никогаш не повторува комбинации на облека двапати. И секако, скоро на секоја фотографија таа ги става своите бујни атрибути во преден план. Тоа го стори и овој пат, позирајќи со раширени нозе пред базенот, а следбениците не го криеја својот ентузијазам, коментирајќи дека неодоливо личи на жива Барбика.
Но, имаше и такви кои сметаат дека со вакви фотографии таа преминала над каква било мерка со оглед на тоа што, како што пишуваат, таа веќе нема 20 години. На некои не им се допаднаа нејзините вртоглави потпетици, кои судејќи според коментарите, наликуваат на потпетици за танц на шипка. „Имате две малолетни деца и позирате како некоја стриптизета“, се само некои од коментарите на социјалните мрежи.
Јелена Карлеуша неодамна призна дека никогаш не успеала да се вклопи во стандардите на климата во која живее. „Затоа страдав многу и бев разбрана како што сум денес. Но, тоа сум јас. Не можам да се менувам и не е дека не сум се обидела да бидам омилена на сите. Не ми работи. Можеби сум чудна за повеќето, но и луѓето се чудни за мене. И затоа научив да функционирам во мојот универзум. Пеам, танцувам, зборувам и работам како што сакам, игнорирајќи го фактот дека секој има мислење за тоа. 26 години многу грди, ужасни моменти за една жена, но и најголемите и најубавите обожаватели кои ме натераа да си кажувам секој пат дека морам да продолжам понатаму. Се надевам дека ќе пееме стари и нови песни уште многу години … Затоа што има уште многу планети до кои не сме стигнале и многу sвезди чекаат да ги допрам “, рече Карлеуша во својот пост на Инстаграм.