КРЕМАСТ СЛАДОЛЕД ОД КАПИНИ! Кој би можел да му одолее? (РЕЦЕПТ)

23 август, 2021
469816_sladoled_f

Искористете ја сезоната на капини и направете кремаст сладолед, едноставно уживање за целото семејство. Сладолед од друго овошје може да се подготви на ист начин, а особено интересно ќе изгледа послужено на стапче. Уживајте!

СОСТОЈКИ:

  • 2,5 дл слатка павлака
  • 2 дл кисела павлака
  • 50 гр шеќер во прав
  • чаша пире од капини (или друго овошје по ваш избор)

ПОДГОТОВКА:

Изматете ја слатката павлака во шлаг, додадете го шеќерот, киселата павлака и на крај испасираното овошје. Промешајте сѐ убаво и замрзнете. Повремено мешајте за да избегнете кристали од мраз. Ако сакате кремаст сладолед, послужете го додека не се стегне целосно. Сладолед од друго овошје може да се подготви на ист начин, а особено интересно ќе изгледа послужено на стапче. Подготвената смеса треба да се истури во мали пластични калапи за сладолед и да се замрзне. Пред сервирање, потопете го калапот кратко во топла вода за полесно да го извадите сладоледот. Додека е сѐ уште замрзнат, истурете неколку лажици стопено чоколадо, вртејќи го стапчето во едната рака. Посипете со сецкани лешници веднаш и почекајте неколку моменти додека глазурата не се стврдне.

Уживајте!