Младиот готвач откри – вака се прави најдобриот помфрит дома!
Морган тврди дека само со овој метод можете да добиете совршен помфрит.
Морган Хипворт потекнува од Мелбурн и, иако има само 20 години, тој е сопственик на Бистро Морган Бејкхаус. Својот талент за готвење реши да го покаже преку „ТикТок“, а видеото што особено ги воодушеви луѓето е она во кое тој открива како да се подготват најдобрите компирчиња – дома.
Потребни ви се четири состојки, вели тој, а тоа се компири (по можност оној со црвена кора), маслиново масло, сол и зачини.
Прво излупете ги компирите и исечете ги на стапчиња, па ставете ги во тенџере со вода, солете ги добро и оставете ги да се готват – но не премногу долго, само неколку минути. Потоа исцедете ги и наредете ги во сад за печење, додадете зачини, маслиново масло и печете во рерна на 200 ° C околу 25 минути – додека не поруменат.
„И тоа е совршениот помфрит“, тврди Морган.