НАЈСОЧНАТА ЧОКОЛАДНА ТОРТА, КОЈА СЕ ПОДГОТВУВА ДОДЕКА КАЖЕТЕ КЕКС: Ќе ве освои уште на првиот залак! (РЕЦЕПТ/ВИДЕО)

24 јуни, 2021
183551_shutterstock-381593071_ls

Оваа торта ќе исчезне со брзина на светлината …

Прекрасна, а сепак многу едноставна чоколадна торта, ќе ги воодушеви сите љубители на чоколадото.

Состојки:

Бисквит

280 гр брашно тип 400

40 гр какао

130 гр шеќер

1 и половина лажица оцет

2 лажички сода бикарбона

прстофат сол

1 кесичка ванилин шеќер

100 мл масло

320 мл топла вода

1 лажичка инстант кафе по желба

Прелив

100 гр чоколадо за готвење

100 гр млечно чоколадо

120 мл слатка павлака

Подготовка:

Прво просејте ги брашното и какаото во сад, а потоа додадете малку сол, додадете го шеќерот, ванилиниот шеќер и сода бикарбоната и измешајте ги сувите состојки. Додадете масло, оцет и топла вода на сувите состојки, во кои сте промешале една лажичка Нескафе. Измешајте сè, така што сувите состојки убаво ќе се соединат со мокрите.

Калап од 20 см премачкајте со путер, обложете го со хартија за печење и истурете ја смесата. Печете го колачот во загреана рерна на 180 C околу 40 минути.

За чоколадниот прелив, прво ќе го исецкате чоколадото за готвење и ќе го прелиете со топла слатка павлака, а потоа сè ќе измешате додека не добиете убава чоколадна смеса со која ќе ја прелиете тортата. Ако сакате, тортата можете да ја декорирате со две парчиња свеж портокал.

Погледнете ја подготовката: