Овошни корпички: Пробајте, се прават брзо и лесно (РЕЦЕПТ)

Овошните корпички се едно од омилените колачиња кои често се порачуваат од слаткарниците.

Зошто да не се обидете сами да си направите овошни корпички?

Состојки за тестото:

• 220 гр брашно
• 80 гр путер
• 60 гр шеќер во прав
• Јајце
• малку сол

За крем:

• 250 мл млеко
• 250 гр крем сирење
• 100 мл слатка павлака
• 100 гр путер
• 100 гр шеќер
• пудинг од ванила
• 200 гр малини или вишни

Подготовка:

Изматете го јајцето со шеќерот во прав. Додадете сол, брашно и ладен путер, а потоа замесете тесто. Оставете го да отстои во фрижидер еден час, потоа притиснете го тестото во калапите и печете во загреана рерна на 180 степени, околу 30 минути. Во меѓувреме, направете го филот. Истурете млеко и шеќер во тенџере и оставете да зоврие. Додадете го пудингот измешан во малку ладно млеко и соединете. Кога пудингот малку ќе се излади, додадете го путерот и добро измешајте.

Изматете ја слатката павлака во шлаг со миксер, додадете крем сирење и мешајте додека не добиете пенеста маса, а потоа измешајте сѐ со пудингот. Наполнете ги ладните корпички со подготвениот фил и над него наредете малини или друго овошје по ваш избор.