Деликатес за вечера: Подгответе фина гурманска пилешка паштета!

Дали има нешто подобро од комбинирање на здраво, вкусно и заситно? Оваа паштета од пилешко ви одзема малку напор и време, но тоа ќе биде вкусно и здраво решение за појадок, ручек или вечера.

Пилешкото е лесно достапно и не е многу скапа опција за јадење. Но, честопати луѓето знаат да се заситуваат цело време од едно исто па затоа ви донесуваме рецепт што ќе му даде на пилешкото ново руво, а на вас исклучително фин оброк, на кој не потрошивте многу пари.

Состојки:

• 1 пилешко
• 1 пециво (кајзерица)
• млеко
• 1 јајце
• 2-3 кисели краставички
• Француски сенф
• 2 лажици павлака
• 2-3 лажици мајонез
• сок од половина лимон
• магдонос, сол, бибер

Подготовка:

1. Исечете го пилешкото на помали парчиња и варете. Кога ќе се свари, оставете малку да се излади.
2. Извадете го месото и мелете го во мелница за месо.
3. Пренесете го месото во поголема чинија и додадете го пецивото натопено во млеко. Промешајте со рацете.
4. Додадете едно сирово јајце и измешајте сè повторно.
5. Исечете ги киселите краставички на мали коцки и додајте ги во смесата.
6. Прво додадете павлака, па сенф и лимон. После тоа зачини. Измешајте сè добро за да направите мазна смеса и пробајте.
7. Во случај на недостаток на “подмачкување” додадете 2-3 лажици мајонез.
8. Паштетата можете да ја оставите во еден сад или да ја поделите на помали чинии со капаци и да ја ставите во фрижидер 2 до 3 часа да се олади и стисне.