Што за вечера? Пилешко тако со зеленчук (здраво и готово за половина час)
Пилешкото тако со додатоци е здрав оброк полн со витамини, цинк и селен, а децата едноставно го обожаваат
Ако се прашувате: „Што за вечера за децата?“ Тогаш овој рецепт за пилешко тако со зеленчук е направен токму за вас. Сигурно ќе ги имате сите состојки (или барем нивните замени) дома, и нема да потрошите повеќе од половина час за да ги подготвите.
Децата ќе ги исчистат чиниите, а остатоците може да стојат во фрижидер уште пет дена. Притоа, можете да бидете сигурни дека овој рецепт ги задоволил сите нутритивни потреби на вашето семејство.
Предлог за здрава вечера: Пилешко тако со зеленчук
Нутритивни вредности:
Низок внес на јаглени хидрати
Висок процент на протеини
Богато со витамини: Ц, Б12, Е и А.
Богато со минерали: селен, манган и цинк
Вкупен број на калории: 130 – 190 калории по едно тако (во зависност од начинот на подготовка и додатоците)
Состојки:
3 чешниња лук (исецкан)
1 голем кромид
2 големи пиперки
1 лажица масло од авокадо (замена: 1 лажица маслиново масло, ½ лажица сончогледово масло)
1 кг пилешки гради
1 лажица сос од домати (еден поголем свеж домат без лушпа)
1,5 чаши одмрзната и исцедена пченка (или едно пакување пченка од конзерва)
Китка свеж коријандер (замена: лист од магдонос)
Китка млади ротквици
Пченкарни тортиљи
Подготовка:
Загрејте вок тава или тенџере со нелепливо дно на умерена топлина. Додадете ја пропишаната количина на избраното масло за да го подмачкате. Прво, издинстарте ги (мешајќи) лукот и кромидот, не подолго од 2 минути. Потоа додадете ја крупно исечената пиперка и оставете да крчка уште седум минути, мешајќи повремено. Кога зеленчукот е подготвен, додадете го пилешкото исецкано на коцки, зачини по вкус и варете 5 минути. После тоа, намалете го огнот на минимум, додадете го сосот од домати и пченката и оставете да се готви десет минути. На самиот крај, додадете коријандерот или магдоносот, ротквицата и сол, колку што е потребно.
Послужување:
Наполнете ги тортиљите со филот од месо и прелијте со грчки јогурт или додадете малку фета сирење. Стиснете преку сок од лимон, по вкус.
Бонус трик:
Ако веќе знаете дека ве чека напорна недела, подгответе ги состојките за такото однапред. Кромидот и пиперката може да почекаат до три дена, исецкани и спремни во фрижидер. Исто така, овој сос од месо можете да го чувате во фрижидер, во соодветен контејнер до пет дена, без губење на квалитетот.