ВИКЕНДОТ МОЖЕ ДА ЗАПОЧНЕ Џин – тоник со јагоди: Рецепт за освежителна летна верзија на вашиот омилен пијалок

Сезоната на јагоди сигурно ќе ја искористите за разни десерти и колачи, но зошто да не пробате и џин – тоник со јагоди? Љубителите на џин – тоник сигурно ќе уживаат во оваа освежителна летна верзија на нивниот омилен пијалок.

Состојки:

– 60 мл ладен сируп од јагоди

– 60 мл џин          

– 100 мл тоник

– 1 лажичка сок од лимета

– листови нане или гранчиња мајчина душица за украсување

– мраз

Состојки за сирупот од јагоди:

– 1 кг зрели јагоди

– 500 мл вода

– 0.2 кг шеќер

– 2 лажици сок од лимон

Подготовка на сирупот:

1. Извадете ги стебленцата од јагодите, измијте ги, исечете ги на половина и ставете ги во сад за готвење. Додадете вода и шеќер и варете на средна топлина. Кога водата ќе зоврие, намалете ја температурата малку и оставете ја да врие 20 минути, а потоа тргнете ја од шпоретот и оставете ја целосно да се излади.

2. Земете цедалка, покријте ја со слој тенка газа и ставете ја на поширок сад. Исцедете ги јагодите и сирупот низ неа, а потоа земете ја газата, соберете ги јагодите и нежно извртувајте ја газата за да исцедите уште малку сируп од јагоди. Промешајте го сокот од лимон и потоа истурете го сирупот во тегла. Чувајте го во фрижидер најмногу 2 недели.

Подготовка на џин – тоникот:

Наполнете ја чашата до половина пат со мраз. Потоа прво истурете го со сирупот од јагоди, потоа џинот и на крај ставете го тоникот. Додадете малку сок од лимета и украсете со нане или мајчина душица по желба.

На здравје!