Вафли од банана! Вистинско уживање!

Минатата година сите бевме луди по лебот од банана кој стана хит за време на карантин во пролетта, па денес ви донесуваме мешавина од леб од банана и вафли – вафли од леб од банана!

Тие изобилуваат со сите вкусови што ги сакаме во лебот од банана, и доаѓаат во мека форма на вафла. Може да ги ставите со јаворов сируп или некој друг додаток што ви се допаѓа, да ги посипете со ореви, снегулки од бадем, парчиња чоколадо. Подолу ви го пренесовме рецептот и можете да го прилагодите според вашите желби. Во воодушевување!

Состојки:

1 ипол чаши брашно
2 лажички прашок за пециво
половина лажичка сода бикарбона
половина лажичка цимет
малку сол
3/4 чаши млеко
2 лажици кафеав шеќер
1 лажичка екстракт од ванила
2 големи јајца
3 лажици стопен путер (разладен)
3/4 чаши мелени банани (околу 2 средни банани)

Постапка:

Загрејте го калапот за вафли. Во голем сад изматете ги брашното, прашокот за пециво, сода бикарбоната, циметот и солта. Во друг сад, средна големина, изматете го млекото со кафеав шеќер, екстракт од ванила, јајца и путер. На крај, промешајте ги бананите.

Нежно истурете ја влажната смеса во сад со суви состојки. Промешајте, но не претерувајте со мешањето. Подмачкајте го калапот за вафли малку и истурете го тестото. Печете 4-6 минути, или додека рабовите не станат златни.

Ако немате калап за вафли, можете да ги испечете на тава за скара со подебело дно. Загрејте ја тавата прво во рерна пред да додадете малку путер и да ја истурите смесата. Вафлите ќе се печат малку подолго отколку во калапот, затоа бидете трпеливи и печете ги на тивок оган. Ќе добиете една голема „палачинка“ што ќе ја исечете на парчиња пред да ја послужите и да ја послужите со додатоци по желба.