Пакувањето работи за одмор за некои е вистински кошмар. Прво, голема мака е да се стават сите работи во куфер, а уште поголема кога ќе видите колку се стуткани и дека треба да барате пегла на одмор.
Искусните патници ги знаат триковите за пакување облека со кои таа најмалку ќе се изгужва. Следните три трикови ќе ви помогнат да не ја изгужбате гардеробата. Никогаш нема да можете да избегнете некој мал набор некаде, но дефинитивно ќе ви помогне.
1. Кога пакувате облека, заборавете на премногу преклопувања! Завиткајте го секое парче облека. Ќе го намалите гужвањето, ќе има повеќе простор во куферот.
2. Исто така е важно да не се претера со количината. Навремено планирајте што ќе носите секој ден и нема да имате премногу работи. Ако вашиот куфер е пренатрупан, сѐ ќе биде стуткано.
3. Кога се пакувате, обрнете внимание на редоследот по кој ги ставате работите. Најтешките парчиња секогаш одат на дното на куферот, како што се чевли, козметика, накит, а тоа е така за да не ја згмечат и изгужваат облеката. Наредете го остатокот од гардеробата во зависност од чувствителноста на материјалот. Одозгора ставете фустани и лесни маици и кошули.